李家 (筲箕灣道) (Closed)

🍗「李家」炸雞店係我一位韓國同事熱烈推介，連韓國人都讚好，無理由唔試。我本身都好鍾意食韓國炸雞，因為韓式炸雞外皮長時間都保持到好香脆，配合各式各樣特別嘅醬汁，每次食都有新驚喜。🍯蜂蜜蒜蓉炸雞炸雞香脆Juicy，炸粉恰到好處，令炸雞有鬆脆口感但又唔會食落勁肥膩。本身雞肉有醃泡，所以已經好入味，加上蜂蜜蒜蓉及炸蒜頭，甜甜鹹鹹的，韓國味道返哂來。🐓半半炸雞(原味+甜辣)我揀左無骨炸雞，啖啖肉係正嘅，比較起有骨炸雞雖然無咁滑，但同樣juicy香脆！原味食到雞皮脆卜卜，雞肉味香濃；而甜辣醬就惹味，令人食指大動，滿滿韓國風味，雖然係甜”辣”，但都因應了香港人的口味，所以唔係太辣嘅~好欣賞炸雞夠哂熱，果然係即叫即炸，食到最後一舊都唔會凍左。🥚 蒸水蛋Share食會比較合適，因為入面至少有四，五隻蛋，加上高湯，放入熱辣辣嘅韓式熱鍋，用鍋嘅熱力慢煮，啖啖蛋香，香噴噴，熱辣辣！