Bong樓

Open Now

Now Closed

係為咗炸醬麵而來，同係香港好難食到嘅糖醋肉。我哋係食中午，所以有lunch set可以選擇一個麵加一個配菜，麵可以揀炸醬麵同辣海鮮湯麵，配菜有糖醋肉同乾烹雞，我哋各要一set。兩款麵味道唔算好驚訝，只係韓國食到嘅味道，乾烹雞我係第一次食，出奇地好味，炸雞同酸酸辣辣醬汁一齊好夾，糖醋肉舊肉真係好肉，唔會得炸粉，所以口感滿足，糖醋肉係香港好少韓國餐廳會有，食到好開心，見餐牌仲有豬手下次再嚟試。一般韓國餐廳份量都好大，如果唔係lunch set正常單點建議最少4個人黎食，因為我哋見到隔離枱單點糖醋肉係成座山咁大碟。