Pizza Maru (荃新天地)

Open Now

Now Closed

之前食Pizza Maru對於佢個mocha批邊印象好深刻，好難得批邊都係一種享受。所以當鄉情嚟嘅時候就推介友人一齊嚟食。係我大力推介之下，友人點咗薯角炭燒雞肉芝加哥薄餅。芝加哥系列都好出名，見到好多枱都有叫。一切開啲芝士好震撼，痴線蜘蛛癡住條蜘蛛絲，唔止批餅、批邊都有芝士。批邊表面香脆，三重芝士忍唔住爆曬出黎，夾埋表面嘅蜜糖味。一啖食落都好豐富，食到有雞肉，有海量嘅芝士仲有燒肉汁嘅味，每一啖都好滿足。食食吓發覺薯仔嘅存在感好低。本人覺得落蕃茄有少少奇怪，雖然係清新，但係濕潤嘅口感上同Pizza唔夾。炸雞叫咗一個特別嘅牛骨味，食落感覺同醬油味有啲似，多咗份甜味，如果食厭咗普通醬油味都建議食下呢一款。炸雞熱辣辣，同友人selfie時候拎住佢都俾佢辣親。炸皮唔會太厚，外脆內仲滑。改善地方係可以多啲牛骨汁，咁樣食到入邊嘅雞肉嘅時候就可以點多黎食。平時都飲開米酒，今次就叫咗芒果米酒，酒味唔係出，飲落似芒果沙冰多啲。相信唔好酒嘅朋友都鍾意。遲啲思鄉情黎嘅時候再encore。不過都係希望可以快啲去韓國食當地嘅Pizza!