韓嘉嵐韓國料理 (QRE Plaza)

Open Now

Now Closed

天氣凍凍地，想食暖啲嘅野，朋友提議食韓國嘢，友人係附近返工，佢推薦呢間餐廳。坐低咗，店員送上多碟，韓小碟，款式很多。睇下餐牌，選擇有好多，想食嘅野都有，呢啲天氣梗係食返個鍋啦，我哋選擇咗海鮮鍋和芝士辣雞。由於只有三人，所以叫咗兩款食物，都食唔晒。海鮮鍋 - 賣相吸引，份量足夠4人，材料豐富，海鮮算新鮮，除咗隻蟹，我哋叫咗小辣，味道啱啱好，最後加個辛辣麵，超正👍🏻芝士辣雞 - 芝士味濃郁，加上辣雞，味道很配合，辣雞太辣，好彩有芝士配搭。整體不錯，坐得舒服，服務態度良好，店員親切，仲送咗啲韓式飲品俾我哋，值得一試的韓國餐廳。