韓大叔大排檔 (Closed)

這間韓大叔大排檔環境舒服，食物選擇多，價錢亦平民抵食。點了兩款午餐，火山芝士熔岩飯及半份甜辣炸雞配阿朱媽年糕，套餐包括三色前菜，大醬湯及飲品，大份抵食。邪惡的火山芝士熔岩飯，堆得似火山般的泡菜炒飯配上蛋漿及已溶的芝士，篤開飯面的蛋汁再拌勻，啖啖都充滿濃厚芝士味道，好惹味。半份的炸雞，份量都不少，是甜甜辣辣的韓式風味，炸雞金黃香脆，粉漿不會太厚，雞肉仍然保持嫩滑。阿朱媽年糕是比較幼身的，口感煙韌，配上甜甜辣辣既醬汁，好味。另外可以加配小食，加了黑松露薯條及大叔炸魷魚鬚，剛炸起新鮮熱辣，薯條大條厚身。炸魷魚沒有厚厚的粉漿。這裡仲有串燒供應，價錢抵食。豚肉秋葵，明太子蓮藕都只係$10串，大大粒香草牛油帆立貝都只是$20串。