NeNe Chicken (大埔超級城) (Closed)

2018年最後一日搵好野食下獎勵下自己！呢間炸雞店開咗唔係好耐，今日終於去試下！咁岩一去到就有位，環境幾好幾乾淨。雖然有塊木板隔住，但係都係要share張枱咁坐。我地就叫咗個2人餐，有4種野食同兩杯飲品，加埋服務費400幾蚊左右。食物嘅份量好多，估計三四個人都夠食，兩個人食飽到痴咗線。炸雞係無骨嘅雞，我地話想食有骨嘅，可惜店員話無。味道就幾好嘅，有好幾種味道可以揀。個餐仲有個芝士火鍋，但係店員話無哂火鍋個個鍋，只有一碗暖嘅芝士。希望黎緊會有進步啦！