漢城美食 (Closed)

韓式粉絲味道正宗，韓式壽司都好好食，個食團夠實。部隊鍋唔算好辣，唔食得辣既人都食到。仲有之前試佢既雞翼，一共有八隻，不過送上黎既時候，雞翼唔係好熱，感覺上應該唔係即叫即整，但整體味道正常。成間店既價錢都幾平，有餐前配菜算係有誠意。店職員雖然唔太識講廣東話，但都有禮貌同用簡單英文溝通。我見呢間野有join 網上外賣平台 ，下次唔想行去食，可以一試網上外賣平台 叫餐先。呢間野近旺角東站多啲，行五分鐘至十分鐘就到。