Goobne Chicken (V Point)

Open Now

Now Closed

我一直都好鍾意食韓國野，今日難得有朋友突然話想食goobne chicken，就當然選擇到銅鑼灣呢間分店啦！難得同朋友可以見面，當然要叫酒，要左個香桃韓式米酒，真係覺得韓國米酒係我嘅最愛，好濃米香味，加埋香桃真係絕配。不過喺韓國餐廳叫得米酒，就梗係要配返一啲韓式啲嘅嘢食啦。食物方面就要左韓式玫瑰醬炒年糕同UFO芝士火鍋。炒年糕炒得好好味，玫瑰sauce個名已經夠浪漫，加埋個年糕係spaghetti形狀，感覺好似食緊西餐咁樣，呢個fuision感覺都幾特別。後來見到隔籬枱又叫，所以即刻都心郁郁自己叫咗一個芝士火鍋。雖然我哋得兩個人，但係都堅持叫，因為真係聞到好香。呢一樣嘢真係超級邪惡，芝士做到拉絲狀態，又玩得又食得。我哋兩個人最後真係食到超級飽。