Video
Read full review
2020-11-12
932 views
行過尖沙咀K11 Musea好幾次都無留意到呢間韓國有機烘焙麵包店Tardemah位於B2層...要行到好入先見到鋪面大而裝橫簡單,如果唔係刻意去搵,應該會係行過亦吸引唔到眼球個種, 好易錯過...今次去到已經係夜晚6點幾,由於麵包係每日新鮮製造, 每一款都係賣完即止, 基本上夜晚去到剩返5-6款仲要每款都係得一,兩個, 原本都有好多款式,擺放就分左鹹同甜兩邊。樣樣都好吸引但全部都要7,80蚊一個,好貴！一入店韓國阿姨就好熱情去介紹邊款皇牌熱賣最後揀左鹹、甜方包各一試下,埋單$173😅一拎上手真係好有份量！好有重量未食都感受到有幾足料👆🏻呢款優質公州栗子方包係韓國阿姨極力推介面層係似菠蘿包皮咁-甜甜脆脆有咬口個包估佢唔到咁鬆軟✨真係勁鬆軟！同佢拎上手嘅感覺對比好大,仲以為係好實嘅質感。栗子餡多又夠甜, 好味但僅如此。👆🏻呢款又係熱賣人氣方包-拱佐諾拉蜜糖芝士方包仲會跟一小盒蜜糖俾你點嚟食（姐係個包入面得芝士）雖然咁嘅配搭好似好普通但呢個反而好有驚喜！叮熱嚟食,包同芝士都好軟熟,神奇係食落有淡淡蒜蓉香味, 又唔會搶過芝士味,就算唔點蜜糖都勁好味😋👍🏻雖然好貴但食得出用料靚同足😌而且味道口
Tardemah位於B2層...要行到好入先見到
鋪面大而裝橫簡單,如果唔係刻意去搵,應該會係行過亦吸引唔到眼球個種, 好易錯過...
今次去到已經係夜晚6點幾,由於麵包係每日新鮮製造, 每一款都係賣完即止, 基本上夜晚去到剩返5-6款仲要每款都係得一,兩個, 原本都有好多款式,擺放就分左鹹同甜兩邊。樣樣都好吸引但全部都要7,80蚊一個,好貴！
一入店韓國阿姨就好熱情去介紹邊款皇牌熱賣
最後揀左鹹、甜方包各一試下,埋單$173😅
一拎上手真係好有份量！好有重量
未食都感受到有幾足料
優質公州栗子🌰方包
$89
35 views
1 likes
0 comments
👆🏻呢款優質公州栗子方包係韓國阿姨極力推介
面層係似菠蘿包皮咁-甜甜脆脆有咬口
個包估佢唔到咁鬆軟✨真係勁鬆軟！
同佢拎上手嘅感覺對比好大,仲以為係好實嘅質感。栗子餡多又夠甜, 好味但僅如此。
拱佐諾拉蜜糖芝士方包
$84
47 views
0 likes
0 comments
👆🏻呢款又係熱賣人氣方包-拱佐諾拉蜜糖芝士方包
仲會跟一小盒蜜糖俾你點嚟食（姐係個包入面得芝士）雖然咁嘅配搭好似好普通但呢個反而好有驚喜！
叮熱嚟食,包同芝士都好軟熟,神奇係食落有淡淡蒜蓉香味, 又唔會搶過芝士味,就算唔點蜜糖都勁好味😋👍🏻
49 views
0 likes
0 comments
雖然好貴但食得出用料靚同足😌
而且味道口感都好正！呢間一定會再Encore ！
試下其他口味❤️下次一定要早啲去買！
Post
