吉列牛忌廉烏冬專門店 (百樂中心) (Closed)

今次去咗銅鑼灣食吉列牛，吉列牛係早幾年興起時，我都有係日本排隊店食過。但今次食呢間係韓國過江龍餐廳，餐廳早幾年新開時已食過好幾次，今次再返黎回味一下，還以為熱潮已過會無乜人食，點知餐廳一樣座無虛席，可見得餐廳有一定實力。吉列牛定食定食包括吉列牛、芝麻醬車厘茄、芝麻醬豆腐、味增湯、沙律菜同白飯，吉列牛選用美國牛里脊肉，脂肪比例適中，上枱時吉列牛3成熟，店員會端上小火端，客人可按個人喜好，加熱到自己喜歡的生熟程度，我就喜歡輕輕在石板上燒2，3秒就食用，保持肉質鮮嫩，入口軟腍多汁，跟餐附上兩種醬汁，蘸上醬汁更添滋味。咖哩忌廉牛肉烏冬可選雞肉或牛肉，我揀咗牛肉，上枱整碗鋪滿忌廉，螺旋形狀非常吸引，一夾起烏冬就見到底部滿滿香濃嘅咖哩，咖哩混和忌廉甜而不辣，配料有洋蔥、牛肉、菌類等，牛肉粒肉質軟腍，烏冬入口順滑，掛滿咖喱汁超級惹味，不禁令人一口接一口。雞軟骨餃子爽脆嘅雞軟骨藏在餃子裡，外皮煎到微微金黃色，十分香口。