新麻蒲 BBQ (新都會廣場) (Closed)

冇錢去韓國旅行，唯有食下韓國野過下癮啦一入到去，環境乾淨闊落，幾好。翻開menu，都幾多野食，主食有伴飯、部隊鍋、冷麵。不過今日我既目標都係去韓國一定要食既醬油蟹。兩個人嗌左一個醬油蟹、醬油蝦同埋雞湯韓式醬油腌生蟹拌飯 蟹肉好嫩，配佢另外比既醬油，勁有鮮味。同一齊既伴飯，出乎意料地好食，超多料，就咁食都已經好滿足，夾埋蟹肉，正呀！韓式醬油鮮蝦 一碟都幾多隻下，有成6，7隻，抵食。啲蝦好多肉地，啖啖肉。不過呢個醬油蝦同醬油蟹一樣味，建議蝦同蟹簡其一就好啦，留返啲胃口食其他野。鮑魚參雞湯 因為實在太鍾意飲雞湯，黎到呢度都忍唔住嗌左。呢個雞湯成半隻雞，同埋最期待既鮑魚。雞湯容易入味，飲完唔會口渴，雞肉煲到好冧，鮑魚爽口，呢煲雞湯好足料。另外仲嗌左兩杯野飲Shark Attack Cocktail（無酒精） 一上枱，勁大杯，鯊魚裝住汁，倒落去杯野飲度，好似流血咁，玩味十足。Cocktail Rita- Fly High (無酒精）士多啤梨沙冰做底，然後上面插左支蘋果汽水，越飲，個蘋果味就越重，因為個蘋果汽水既比例越多。