韓冰 (Closed)

星期日， 年初四見韓冰有開就去試試。先自行搵座位， 之後出去買食物，取號碼牌， 食物會由店員送上，最後食完都由店員清理。 但這樣半自助也要收10%服務費，而且遇到搵位有人打尖， 太令人沒心情了。我同友人叫了套餐。- 藍莓芝士雪花冰 ：好靚好好看，分量睇落比較少， 但食落有芝士蛋糕會膩， 所以分量也可以。藍莓醬太少， 所以藍莓味唔太突出， 反而好多芝士蛋糕粒，食落好重芝士味。不過芝士蛋糕有些硬身， 有些軟身， 好像怪怪。雖然芝士蛋糕比較膩， 但連同清淡奶味既雪花冰， 味道岩岩好。雪花冰好輕盈帶點奶味， 又不太甜。- 豆粉脆脆波 ：黃豆粉好香， 好夾年糕。年糕好香軟煙韌。反而麵包得少少脆，唔係好夾年糕豆粉。食落好飽肚抵食。