雪話雪冰 (Closed)

食完晚飯，又係食甜品嘅時間！見到一間新開嘅甜品店，多人排隊之餘，又主打韓式甜品，又喺試新嘢嘅時間！環境裝修都幾好，好有韓國風味！而且有兩部大電視，講緊雪奶喺咩，不過韓文真喺聽唔明！睇到 menu 先知道，原來主打嘅韓式甜品叫雪奶，100% 由新鮮牛奶製造，絕冇任何添加劑，純天然，而且大部份食材，都喺由韓國入口！啱哂我依啲怕肥嘅麻甩佬！我哋兩個人，一人叫咗一碗，《白雪幻彩雪奶》同《宇治金時紅豆雪奶》！口感同傳統刨冰及綿綿冰囗感真係好大分別，入口即熔，好似食棉花咁！雪奶本身比較淡身，帶有少少奶味！主要味道來自啲醬汁！我自己鐘意食沫茶，所以揀咗《宇治金時紅豆雪奶》！其實總括，味道比較清新，少少大啖咗都唔會頭痛！同女朋友一齊就最啱！