南대門

Open Now

Now Closed

尖沙咀韓國街佔左三間都係依間黎，人氣十足！叫左個$388套餐包一款牛肉，兩款主食同埋飲品一開始上左去唔同嘅韓式配菜，都幾多款式，醃茄子同薯仔都有！烤肉方面，今次選擇咗板腱肉，厚度適中，燒起上嚟都容易掌握，食落肉質唔會太鞋太乾，可以配埋生菜或者唔同嘅醬汁一齊食主食叫咗水冷麵，好適合配燒烤一齊食，入口涼涼地，味道酸酸地好解油膩，麵質仲好煙韌另外仲叫咗韓式拌飯，材料勁豐富有紅蘿蔔、芽菜、白蘿蔔、雞蛋、紫菜等等，再加埋韓式醬撈埋一齊食鹹鹹地，夠哂味！仲加多咗一份紫菜包飯，麻油味好香，好傳統嘅飯卷！依間抽氣做得唔錯，完完全全唔使擔心食完好大陣韓燒味！