Video
Read full review
2023-03-14
36 views
韓國料理就食得多啦，韓式Fine Dining 就真係第一次試，上星期五就去咗一家高級韓國料理晚餐，一入門口就比佢落地玻璃個景色吸引住，對正維多利亞公園，啱啱維園又有花展，所以望落去啲燈好靚🥰Tasting menu $1480 有9個course,其中包括韓牛、炸海苔、豬肉及人蔘雞湯等傳統韓國菜式,但係用新嘅方法演繹出嚟😋🥗炸海苔：炸海苔係韓國傳統小吃，餐廳以特製醬汁烹調，海苔新鮮炸起，口感非常之酥脆，再配埋佢嗰個三色豆腐醬，點埋一齊食，鹹香十足👍🍣韓國刺身:有左口魚、72小時醬油大蝦、吞拿魚：佢呢個刺身同日本刺身嘅分別就係，所有嘢都用醬油醃過，所以唔使再點其他汁料已經好好食，尤其係嗰個醬油大蝦非常之鮮甜新鮮👍🍲韓國粥Deul Kkae-Juk呢個粥真係分量十足，非常之多料，有當做蔬菜、有韓牛、有鮮蜆肉，再配以好靚嘅韓國大米，原來佢係用咗15小時去煲嘅，唔怪得咁軟綿，咁香滑，仲好鮮甜。🍲Han-Ip韓式章魚片、橡子果凍：個樣超靚，聽到果凍個名就以為係甜品，其實佢係咸嘅，橡子果凍仲切到好似個花咁，好巧手工好靚，配埋呢個果凍仲有一個鱈魚籽炸豆腐，豆腐個炸醬超薄，入口即溶，完全係考廚師功夫
Tasting menu $1480 有9個course,其中包括韓牛、炸海苔、豬肉及人蔘雞湯等傳統韓國菜式,但係用新嘅方法演繹出嚟😋
🥗炸海苔：
炸海苔係韓國傳統小吃，餐廳以特製醬汁烹調，海苔新鮮炸起，口感非常之酥脆，再配埋佢嗰個三色豆腐醬，點埋一齊食，鹹香十足👍
🍣韓國刺身:
有左口魚、72小時醬油大蝦、吞拿魚：佢呢個刺身同日本刺身嘅分別就係，所有嘢都用醬油醃過，所以唔使再點其他汁料已經好好食，尤其係嗰個醬油大蝦非常之鮮甜新鮮👍
🍲韓國粥Deul Kkae-Juk
呢個粥真係分量十足，非常之多料，有當做蔬菜、有韓牛、有鮮蜆肉，再配以好靚嘅韓國大米，原來佢係用咗15小時去煲嘅，唔怪得咁軟綿，咁香滑，仲好鮮甜。
🍲Han-Ip
韓式章魚片、橡子果凍：個樣超靚，聽到果凍個名就以為係甜品，其實佢係咸嘅，橡子果凍仲切到好似個花咁，好巧手工好靚，配埋呢個果凍仲有一個鱈魚籽炸豆腐，豆腐個炸醬超薄，入口即溶，完全係考廚師功夫嘅菜👍
🐓 韓式蔘雞湯燴飯
用人蔘雞湯煮嘅Risotto, 估唔到咁好味，伴碟仲有啲蔘片，經理上菜前仲會拎一個好靚嘅香水樽噴唧落啲人蔘飯到，原來入邊係裝咗啲人蔘酒，呢個fushion菜式我非常之欣賞, 食落好香蔘味，又補身👍
🥟海鮮清湯配烤釜山鮑魚
將個清湯打成泡泡，泡泡入口即化，口感特別，清湯鮮甜，鮑魚煮到好入味好爽口一啲都唔靭😋
主菜(1)Jan Chi
韓國頂級一++韓牛
頂級韓牛肉質細嫩，脂肪分佈均勻，肉質鮮嫩多汁，入口即溶，口感絕佳。讚👍
(2)36小時慢煮黑毛豬五花
黑毛豬肉以醬汁慢煮後，口感鮮嫩多汁，肉質細嫩，食時配上韓式紫蘇葉，包埋一齊食，味道更好😋
jinSu-Sung Chen釜山珍珠米
經理特別介紹呢個唔係一般嘅飯，而係佢哋特別挑選一間釜山自家農田種嘅珍珠米，唔怪得個飯推出嚟果下好隆重咁，個飯真係好香飯味，配埋48小時鰻魚湯及5種特色伴菜，簡單但真係高質，米飯口感軟糯，鰻魚湯濃郁滋味，伴菜夠新鮮，絕對值得推薦！
甜品🍮
糯米年糕窩夫餅配自家製雪糕，呢個窩夫餅入邊係有年糕喺中間，食落好香口，好煙靭，軟軟綿綿。配埋個雪糕簡直係絕配。
總結：高級韓國絕對值得一試。每一道菜都感受到大廚傾盡心力烹製而成，味道精湛高質。如果你想試下正宗高級韓國料理，這家餐廳絕對啱你👍👍
Post
