高麗軒韓國料理 (Closed)

同太太好耐沒有食過任食韓燒喇，比我地係尖沙咀婚紗街附近搵到間韓燒不錯地方，價錢又不算好貴，但又可以食到正宗韓燒，它有不同生肉、海鮮、熟食可選擇，熟食比想像中好食，但份量都算大份，假如是一大班朋友黎食就最好。仲有每位加$38就可以升級食靚牛、帶子、羊架、紅炆牛肋骨等，韓式罐裝飲品是免費。【蘿蔔、菠菜、芽菜】非常入味、又夠新鮮清爽，食得太多肉又可以再叫這幾款再平衡下。【招牌紅炆牛肋骨】熟食的話這個值得推介，非常入味，每舊牛肋骨又夠軟淋，裡面仲有紅、白蘿蔔。【牛仔骨、牛肋骨肉、鹽燒牛舌、特級牛頸肉】牛仔骨、牛肋骨肉牛味十足又夠軟淋。牛舌好有口感，牛頸肉【生菜及韓國面豉醬】食韓燒一定是必食既生菜包，可以包住不同既肉。【辣泡菜湯-豬肉】湯味濃，內裡勁多泡菜。【帶子、海虎蝦】海鮮方面食得出新鮮又夠爽口彈牙。【3A雪花牛(醃製)】我叫了三四次，這個必點之選，雪花平均，牛味十足，入口即溶。整體上熟食同生肉都非常不錯，有幾樣可以再叫多幾次。