Bingle Bingle 空中列車烤肉

Open Now

Now Closed

一人烤肉店近年在香港愈開愈多，今日去左荔枝角人氣「Bingle Bingle空中列車烤肉」，餐廳樓底好高，每個座位都有獨立無煙烤爐，唔會有油煙味；另外仲有唔同既醬汁提供，包括燒肉汁、芝麻沙律醬、韓式辣椒醬、七味粉、海鹽等，自己烤肉自己燒。我哋叫既烤肉套餐，每款都有白飯、韓式牛肉雜菜湯(可轉配粟米椰菜絲沙律)和兩款韓式涼菜。美國牛五花&特級雞爽肉套餐 ：美國牛五花油香肥美，口感嫩滑；雞爽肉豐富肉汁，口感爽彈。韓牛日韓極上套餐 ：來自韓國慶洲既韓牛前腿肉脂肪含量低，牛肉味香濃；仲有兩款有日本一之稱既宮崎A5和牛肉眼蓋和宮崎A4和牛三角腩，同樣厚切，帶雪花般既油脂，肉質軟嫩，令人回味無窮。總結，食物有質素，套餐價錢抵食，列車送餐好驚喜。