Ssoja Toast & Hotdog (逸東酒店) (Closed)

喺一啲社交媒體嗰度知道 Eton Hotel  開咗一間韓式三文治鋪頭 Ssoja Toast & Hotdog ，好似我呢一種 "偽韓中女" 又點會唔嚟潮下聖，懷住思鄉嘅心情佷件三文治，就當返咗家鄉囉。唔係講笑，如果唔係有人請，我真係唔會嚟食，因為排隊加上等三文治，都用咗超過20分鐘，雖然都知道係要等㗎啦，不過真係冇expect要咁耐，可能因為我冇耐性啦。單係睇張相就知道我哋叫咗好多嘢食，啲嘢食個名真係記唔曬， 當然就係有order 直送漢堡扒＋招牌熱狗，所有三文治同熱狗都係即叫即做， 三文治烘麵包煮得又熱又香，最招牌嘅漢堡扒多士都幾有肉汁，仲超拉絲，配合嗰啲特製嘅韓式醬料，味道真係好正。 每款三文治都有自己嘅特色，真係好難話邊一種係最好食。