Video
Read full review
2016-03-22
1872 views
今日放lunch又喺倫敦搵嘢食, 有個同事話想食韓國菜, 所以就揀咗漢和喇.漢和嘅任食韓燒就聽得多, 午市又真係未試過.Menu 有成三十幾樣嘢食, lunch嚟講算係好多唔鐘意食飯嘅我就揀咗辣醬炒年糕(豬肉),睇個外表好似濕咗少少, 唔夠乾身, 不過唔緊要, 對我嚟講最緊要係個味道同咬口, 食落去, 年糕同豬肉非常入味, 而且咬口岩岩好, 唔會話太淋或者太硬,不過菜多咗少少,同埋調味可以更重(本人十分重口味). 除此之外, 跟餐嘅泡菜非常好味, 絕對唔係平價貨. 另外叫嘅柚子蜜甜甜哋, 飲完個人暖笠笠, 天氣涼涼哋飲岩哂!另外我仲試食左同事幾個餐:韓式炒烏冬 – 烏冬比較幼, 唔似平時我地食嘅日式烏冬, 味道較濃, 唔會話好淡, 但同炒年糕一樣, 有太多我哋唔鐘意食嘅雜菜.韓式炒粉絲 – 黑椒味較重, 有點辣, 韓式粉絲口感唔錯.聽聞同事講佢叫咗嘅煎牛仔骨飯係午市必食, 我就留返下一次再叫啦!總結嚟講呢一餐非常豐富, 下次會再嚟試下傳說中嘅煎牛仔骨, 睇下係唔係真喺咁好味.
漢和嘅任食韓燒就聽得多, 午市又真係未試過.
Menu 有成三十幾樣嘢食, lunch嚟講算係好多
唔鐘意食飯嘅我就揀咗辣醬炒年糕(豬肉),睇個外表好似濕咗少少, 唔夠乾身, 不過唔緊要, 對我嚟講最緊要係個味道同咬口, 食落去, 年糕同豬肉非常入味, 而且咬口岩岩好, 唔會話太淋或者太硬,不過菜多咗少少,同埋調味可以更重(本人十分重口味). 除此之外, 跟餐嘅泡菜非常好味, 絕對唔係平價貨. 另外叫嘅柚子蜜甜甜哋, 飲完個人暖笠笠, 天氣涼涼哋飲岩哂!另外我仲試食左同事幾個餐:
韓式炒烏冬 – 烏冬比較幼, 唔似平時我地食嘅日式烏冬, 味道較濃, 唔會話好淡, 但同炒年糕一樣, 有太多我哋唔鐘意食嘅雜菜.
韓式炒粉絲 – 黑椒味較重, 有點辣, 韓式粉絲口感唔錯.
聽聞同事講佢叫咗嘅煎牛仔骨飯係午市必食, 我就留返下一次再叫啦!總結嚟講呢一餐非常豐富, 下次會再嚟試下傳說中嘅煎牛仔骨, 睇下係唔係真喺咁好味.
Post
