Hungry Korean (Closed)

一向覺得韓式料理味道較濃，所以揀了個不辣又沒有泡菜的韓式牛肉來試。五十六元正，跟白飯一個，飲品另計。先講碟韓式鐵板牛肉，感覺似雜菜炒牛肉，同西式鐵板好唔同。賣相認真麻麻，勝在味道比想像中好，份量足夠，有大白菜同甘筍同洋蔥一齊炒，適合我這些要出街食又想食返多啲菜的人。據聞是韓國人來港開舖，店內都用不銹鋼碗筷，個碗好輕，筷子略為扁身，起初拿上手扒飯都有點不慣，要學韓國人咁夾起啲飯來食。需要一提，那碗另上的白飯，非常淋身，都唔係咁易夾得起。對韓國飯食無咩研究，究竟係間分店個伙計落多咗水煮飯？定係韓國人本身煮飯係咁淋？由於是快餐店，無論是成個餐抑或是一杯水，都係由出餐位自己捧埋位的，沿途請小心突然由卡位跑出來的細路仔/女。杯水亦是不銹鋼杯，有加檸檬。