Terrace in seaside (AIRSIDE)

Open Now

Now Closed

Airside真係好多好餐廳呀今次食嘅呢間韓式餐廳非常出名佢哋嘅飯卷同窩夫非常出色其他韓式料理都好高質佢仲係pet friendly嘅餐廳可以帶埋d寵物嚟chill 吓🔸燒醬油黑毛豬白切肉紫蘇拌飯 $138黑毛豬白切肉嘅脂肪比例啱啱好，口感軟腍，完全冇豬腥味。拌飯加咗紫蘇葉落去，所以食落有紫蘇葉嘅香味。🔸啖啖蟹肉千層麵 $128千層麵嘅外觀金黃，非常吸睛。蟹肉嘅份量好多，配埋拉絲芝士同埋三文魚籽，真係超邪惡。千層麵焗完後口感滑溜彈牙，同蟹肉、芝士等等嘅配料好夾。🔸100%泡泡朱古力 $45飲落朱古力味非常香濃，喺面仲鋪上可可粉同埋朱古力碎，絕對係鍾意朱古力控嘅必點飲品。🔸帶點驚喜的香印提子奶蓋綠茶 $58飲落感覺非常清新，提子味香濃，同綠茶嘅味道好夾。🔸值得一提芬芳提子窩夫 $108呢個係餐廳嘅招牌窩夫，喺窩夫上鋪滿香印提子同埋巨峰提子，仲有提子味啫喱，網絡相當豐富。窩夫口感外脆內軟，蛋味香濃，連埋鋪喺面嘅提子一齊食非常惹味。