Seoul Recipe Deli

Open Now

Now Closed

最近喺灣仔搵到一個新嘅飯腳點，啱晒灣仔附近返工嘅飯堂，係一間韓式嘅店舖，雖然地方唔係好大，大概坐到十幾個位，但係亦都可以外賣自取！入邊裝修簡約風格，坐起嚟都好舒服，可以坐吧枱望住出面！韓式豬肉拌飯：有好多配料，主角豬肉，藜麥飯，韓式芽菜，波菜，泡菜，生菜，煎蛋，seaweed,相當豐富。仲有韓式辣醬或者韓式鼓油可以撈飯。如果食得辣，建議撈韓式辣醬食，甜辣感覺好過癮。仲有個蟹子蛋卷，好軟熟。韓式飯捲：揀咗veg,有牛蒡，紫椰菜，生菜，紅蔔蔔絲，青瓜絲，咬落去啲配菜好爽脆，又酸酸哋，健康又開胃呢個餐跟是日餐湯或冷/熱飲品，我哋揀咗熱飲南瓜紅豆茶，無糖嘅，食飽飲感覺消滯，幾舒服。茄子豆腐便當：呢個係素食便當，食素人仕最啱，同埋柚子蓮藕，甜甜哋，好清新。有主菜茄子豆腐，前菜有泡菜，韓式芽菜，南瓜及柚子沙律，都相當豐富！酸酸辣辣，好開胃，主食跟飯及炒韓式粉絲，粉絲好彈牙。無糖蘋果汁：包裝都好靚，好香嘅蘋果汁BTS咖啡：見樽身印咗韓團BTS就買嚟si8下，香濃嘅無糖咖啡，又唔苦喎。