Terrace in seaside (屯門市廣場1期)

Open Now

Now Closed

一直好想試吓 ❥⧽𝐓𝐞𝐫𝐫𝐚𝐜𝐞 𝐢𝐧 𝐬𝐞𝐚𝐬𝐢𝐝𝐞 ❥⧽, 今日終於有機會喇, 餐廳環境走韓風簡約路線,周圍都有綠色植物/ 柑橘裝飾, 感覺舒適。𓊈泡菜豬肉飯卷𓊉飯卷好多餡料呀, 有豬肉, 青瓜, 紅蘿蔔, 酸蘿蔔, 魚糕, 蛋同泡菜。d 飯仲要係充滿泡菜汁, 成個口感好豐富。𓊈燒醬油黑毛豬白切肉飯𓊉黑毛豬白切肉結合咗一層豬皮, 一層肥肉同一層豬肉, 肉質軟腍, 有入口即溶嘅感覺, 連埋泡菜飯一齊食, 好似食燒肉夾生菜一樣, 可以解油膩感, 好好食!𓊈水果忌廉三文治𓊉水果三文治喺韓國好普遍, 估唔到呢度都有, 時令水果係菠蘿嚟, 都幾大份。𓊈濟州抹茶窩夫𓊉個窩夫好大份呀, d cream 多到迫爆螢幕😂 窩夫好鬆軟, 連埋吉士醬, cream 同埋抹茶餅乾一齊食, 好有層次, 大滿足!𓊈濟州柑橘乳酪𓊉呢度嘅柑橘乳酪好特別, 大大粒柑橘放喺上面, 真係好 igable, 好香柑橘味, 甜甜地, 好好飲。𓊈熱情金菠蘿沙冰𓊉杯沙冰加咗紫色好夢幻, 菠蘿味好重, 酸酸地, 喺熱辣辣嘅天氣下飲沙冰真係好爽。✧✧ 整體食物飲品都好好食呀, 環境好簡潔舒適, 值得再去食呀。