新沙洞澡堂 (Closed)

一入門口已經見到大大個澡堂，牆壁亦有花灑同鏡🪞，裝修好有特色，打卡岩哂。炸韓國午餐肉條小食要咗好特別嘅炸午餐肉，外面少見，午餐肉嘅鹹香味加埋炸得非常香脆，點埋甜酸味既秘製醬汁，配搭好夾。生菜包豬肉配自家製醬汁豬肉有少許肥膏，肥瘦適中，可以用生菜夾住生蒜頭、酸蘿蔔、青辣椒粒，自家製醬汁食，口感豐富。醬汁少辣鹹鹹地，爽口生菜中和返油膩感，非常高質。韓式牛肉部隊鍋（含芝士）連埋爐一齊上，滾住保持熱辣辣🔥，麵底用咗辛辣麵，配料有芝士腸年糕串，韓國午餐肉，泡菜，兩大塊芝士，一大卷肥牛，湯底小辣，配料吸收晒湯之後食好滋味。韓式牛角酥窩夫 - 提拉米蘇甜品有驚喜，牛角酥窩夫酥脆鬆軟，牛油味出眾，中間食到一層層既酥軟，上面加左 Tiramisu，柔和中帶有質感，甜得來有少許苦澀味。藍柑橘白桃梳打特飲藍紫色嘅顏色好吸引，杯上面有西柚皮乾做點綴，打卡一流，味道甜甜地。香檳葡萄梳打特飲飲品嘅顏色係香檳紅色，有少許氣泡，味道偏甜微酸。