金香雞

Open Now

Now Closed

每次行過「金香雞」都會聞到陣陣炸雞香味，今次終於決定要試下。以快餐店形式，點餐付款後拎食物，再去旁邊拎餐具、紙巾、茄汁、然後去附近枱櫈坐底食。炸雞翼套餐($108)套餐包含六隻炸雞翼，粗薯條，一杯汽水，未影得切相友人已拎左件雞翼食，雞翼味道吾錯炸到好香口，雞肉吾會好乾身，粗薯條偏淋身，份量都吾少。韓式炸雞鎚（$60/3件)叫左兩份，韓式醬汁可選辣或吾辣，六十蚊有三件系海洋公園泥講系超級抵，雞鎚大大件，外皮炸至金黃香脆，肉質非常嫩滑，一咬落去熱辣辣有肉汁流出，沾上甜甜地帶點辣既醬汁，好滿足，十分推介。是次消費$228，以海洋公園泥講尚算抵食，味道亦都吾錯，但夏天系到食應該會好熱好多蚊，加上位置吾多，假期應該無位坐。