Video
Read full review
2022-02-20
731 views
尖沙咀站📍李家-同女朋友講起去第一次去韓國嘅回憶就係炸雞😹個陣唔知一份炸雞係咁多，2條友一人叫一盒，食到你眼望我眼，自此之後就好耐冇食過炸雞🤣甜辣無骨炸雞（$98）+蜂蜜蒜蓉無骨炸雞（$113）兩條友去韓國餐廳又話當年，見到佢地有個自選半半雞套餐，總共有8款味道可以簡，女朋友就簡左甜辣味同蜂蜜蒜蓉味，食肉獸嘅我一定簡無骨。黎到嘅時候，我已經諗，人類總係要犯相同嘅錯誤😅😂我地冇諗過個份量係咁多！！每款有10舊，夾埋係20舊🤯🤯炸雞外皮炸得香脆，內質嫩滑，醬汁濃厚👍🏻我中意食蜂蜜蒜蓉味多d，好香甜惹味😍（最後食雞食到想嘔😹太多！）酥炸魷魚鬚+年糕湯套餐（$158）韓式年糕煙靭有嚼勁，配埋魚糕，回憶返晒黎，但唔夠辣，再辣d仲正！年糕都有10幾舊😹魷魚鬚份量亦都好多，三大束配沙津醬，炸得酥脆。蒸蛋湯（$58）蒸蛋嫩滑，大大兜，混合少少紅蘿蔔碎同少少蔥花，好快比我清晒🤪Rainbow soda（$38）食咁多炸雞都要叫返杯野飲坐陣😹簡左西柚味，開胃d😹大大杯，淡淡西柚味，食炸雞食到一半都已經飲晒😎環境方面，好有地道韓國餐廳嘅味道，唔講真係以為係韓國😂（諗下好啦😢）餐廳有提供醃製白蘿蔔同埋椰菜絲做
-
同女朋友講起去第一次去韓國嘅回憶就係炸雞😹個陣唔知一份炸雞係咁多，2條友一人叫一盒，食到你眼望我眼，自此之後就好耐冇食過炸雞🤣
甜辣無骨炸雞（$98）+蜂蜜蒜蓉無骨炸雞（$113）
兩條友去韓國餐廳又話當年，見到佢地有個自選半半雞套餐，總共有8款味道可以簡，女朋友就簡左甜辣味同蜂蜜蒜蓉味，食肉獸嘅我一定簡無骨。黎到嘅時候，我已經諗，人類總係要犯相同嘅錯誤😅😂我地冇諗過個份量係咁多！！每款有10舊，夾埋係20舊🤯🤯炸雞外皮炸得香脆，內質嫩滑，醬汁濃厚👍🏻我中意食蜂蜜蒜蓉味多d，好香甜惹味😍（最後食雞食到想嘔😹太多！）
酥炸魷魚鬚+年糕湯套餐（$158）
韓式年糕煙靭有嚼勁，配埋魚糕，回憶返晒黎，但唔夠辣，再辣d仲正！年糕都有10幾舊😹魷魚鬚份量亦都好多，三大束配沙津醬，炸得酥脆。
蒸蛋湯（$58）
蒸蛋嫩滑，大大兜，混合少少紅蘿蔔碎同少少蔥花，好快比我清晒🤪
Rainbow soda（$38）
食咁多炸雞都要叫返杯野飲坐陣😹簡左西柚味，開胃d😹大大杯，淡淡西柚味，食炸雞食到一半都已經飲晒😎
環境方面，好有地道韓國餐廳嘅味道，唔講真係以為係韓國😂（諗下好啦😢）
餐廳有提供醃製白蘿蔔同埋椰菜絲做前菜。食炸雞食到膩膩地食返舊都唔錯。
最後炸雞只係清左2/3😹已經係極限了！
20 views
0 likes
0 comments
自選半半雞組合
25 views
0 likes
0 comments
酥炸魷魚鬚+年糕湯套餐
$158
27 views
0 likes
0 comments
蒸蛋湯
$58
37 views
0 likes
0 comments
Rainbow soda 西柚味
$38
19 views
0 likes
0 comments
Post
