灝

Open Now

Now Closed

💡韓式烤肉放題好耐都無食過烤肉放題，咁岩同一大班朋友聚會，但平時可能食一兩個就要趕你走，食得好急，但呢間朋友介紹位於尖沙咀山林道，價錢只系要$298一位，但就可以食足3個鐘，岩曬可以同朋友慢慢傾計。🍽炸物有餃子、炸雞等，熱辣辣，脆卜卜。🍽肉類🐔🐂肉類有好多選擇，有五花腩、牛肉、羊架、雞肉、豬皮、豬大腸、金沙骨、金茹肥牛等等。另外仲有串燒雞丸骨、雞肉等等，非常豐富。五花腩醃得好入味，而且油脂分佈均勻，食落去好厚肉。豬皮 燒完出嚟好煙韌，好香口。 豬大腸比我想像中辣，但就愈食愈過癮，好惹味。而羊架燒完又唔會有好大陣羶味，肉質容易入口。牛肉燒完仲係好軟淋，牛味都幾香。🍽蔬菜🥬蔬菜選擇都幾多，有三色椒、翠肉瓜、番茄、洋蔥、茹、栗米等。栗米燒完仲係好甜，健康之選。🍽飲品🍹種類有好多，另外只要加$88就可以任飲啤酒、、燒酒、手工啤及韓國直送嘅特色米酒，飲番幾支已經回曬本，好抵飲。ps/餐廳仲有提供派對包場服務，仲可以唱K、掟飛鏢等等。而且生日仲有不同的優惠。