韓閣 (Closed)

約左朋友去黃大仙飯聚，佢就帶左我嚟充滿韓風嘅餐廳食晚餐。周圍都貼住韓國poster，令到成個餐廳佈置都好有氣氛，而且仲有提供韓服體驗，真係啱晒打卡。另外，大部分係一格格嘅梳化卡位，坐得都好舒服。餐廳食物種類都好多，不過我地唔想傷腦筋，所以就叫左熱賣嘅韓式二人燒肉海鮮餐。先嚟兩杯飲品，我地叫左藍海洋檸檬特飲同埋草莓蕃石榴特飲，甜度適中而且大大杯都幾抵飲。我地嘅二人餐都算多嘢食，真係成張枱都放滿晒，套餐有包咗虎蝦，頂級和牛牛板腱，西班牙黑毛豬梅肉，芝士粟米爐邊蛋，什菇拼盤，凍豆腐小食同埋有味紫菜飯。兩款肉都好新鮮，值得一讚就係個鐵板傳熱好快，所以好快，所以係燒起上嚟都好得心應手，唔錯。最後仲附上一件小蛋糕為豐富晚餐作終結。