南대門

Open Now

Now Closed

今日黎到金巴利道，見到好多韓國菜餐廳，於是揀左一間黎試下。餐廳由韓國人主理，入面既位置好闊落。雖然係有韓燒食，但係抽風系統做得好好，一啲都唔覺得油煙大。✨牛肉拼盤有牛肋骨、板腱肉、牛肋骨肉。牛肉嘅口感新鮮又彈牙，而且油脂豐富，香氣四溢。加上韓式辣醬、麵豉醬，包住菜食非常惹味。配菜仲有菇，茄子，洋蔥添！✨泡菜湯每個燒肉套餐都會跟一個泡菜湯或大醬湯。泡菜湯味道酸辣開胃，酸中有甜，口感清新。入面仲有唔少五花肉，肉質嫩滑，泡菜和肉片搭配起黎，令湯既味道更加豐富，令人回味無窮。✨護心肉護心肉其實係豬橫膈膜同肝之間肌肉肌腱部分，每頭豬只有手掌左右大既護心肉，好珍貴架！護心肉柔軟且多筋道，口感勁道，一入口啲汁都瞬間爆發出嚟，真係好滋味。