梨滿園韓國料理 (Closed)

話說有一晩同朋友到梨滿園食完晚飯後，第二日又同同事再到梨滿園午餐，兩餐都有點的有：特選牛肋骨(無醃) - $168/350g，有兩大件長型牛肋骨，等鐵板燒熱，將兩條牛肋骨一齊放上鐵板度燒，先將一邊燒約一分鐘，再翻轉將另一邊燒一分鐘，見兩邊由紅色轉為啡色，再將兩邊各燒20秒，之後用剪刀剪開幾件，分給大家，牛肉肉質好咬口、肉汁豐富，將肉放在生菜上，再加麵豉醬包住食，正！牛肋骨湯 - $88，湯頭及蘿蔔清甜，韓國粉絲煙韌彈牙，牛肋骨少少腍，點秘製醬汁食更好味。紅燜牛肋骨(細) - $98，推介此牛肋骨，店員會替我哋將牛肋骨煎開成細份，牛肋骨腍中仍好咬口，此蘿蔔一樣清甜但汁味濃稠，所以用來撈白飯，水準好食之餘、價錢比坊間更出名的便宜。我們不是同牛肋骨有仇，但呢度啲牛肋骨堅好食。