白色雪花之公主 (Closed)

呢個店有近期幾hit既甜品，所以去試下。不過，可能好hit，所以好多人食，要等成20分鐘。另外，佢有D侍應態度好麻麻，收銀哥哥就ok。而間店既格局真係唔店，唔店既地方係佢枱與枱之間好窄，令到大家坐得唔舒服。我地叫左「怪獸爆谷雪糕」、「芒果雪花」。「怪獸爆谷雪糕」，係雪糕上面加左爆谷咁，無咩特別，不過大家要食得快d，因為佢好快溶。而佢既「芒果雪花」就好大碗，兩個人一齊食先得。雪花上有一球芒果味雪糕，同埋有d芒果肉。雪糕同芒果都甜既，唔錯！不過，由於太大碗，好多時都係雪花，而佢既雪花無咩味！所以我極度建議大家去食隔離康景街新開既「Nun」既雪奶，好食好多，細心好多！大家可以留意我另一篇佢既食評。