Read full review
2018-10-16
132 views
平時同屋企人慶祝生日都會食中菜,今次就打破慣例去食韓燒,試下頗為出名既新麻蒲。坐低之後侍應就送上配菜,款式大約有5-6種,有泡菜、醃蘿蔔、海帶、洋蔥、芽菜等等。之前食韓國菜都未試過有海帶、洋蔥做前菜,而較常見既鹹魚仔、薯仔就欠奉😅部份前菜:芽菜(左上)味道香辣鮮甜,泡菜(右下)夠辣,但菜味唔夠新鮮泡菜海帶落單後侍應就好快放好燒爐,又係外圈湛滿蛋漿。外圈上有少少泡菜粒,配上蛋漿味道唔錯。提提大家蛋漿可免費追加,侍應會順便換爐,所以大家千祈唔好客氣爐邊泡菜蛋牛護心肉:朋友推介,肉色鮮紅,肥瘦均匀,肉質都唔錯,即使燒耐左都唔會韌,反而保留到肉汁。牛肋骨:牛肋骨一塊肉過,只有一舊骨,上菜前侍應已稍為剪開,所以食得好方便。但肉質比較韌,好難咬開,而肉味就唔錯。章魚石頭鍋飯:配料充足,醬料微辣惹味。但章魚份量少,雞蛋太熟,而且石鍋唔夠熱,無飯焦,整體而言味道一般。韓式炒粉絲:粉絲味道比較鹹,上菜時只係微暖,似係一早炒定。秘製醬汁五花腩:相信五花腩(編號好似係P6 🤔)係繼牛護心肉後最好食既肉類。腩肉肥瘦均勻,加上微辣既醬汁就更加香口,食落一啲都唔覺得肥膩😍整體而言,肉類質素頗高,比起其他韓式料理出
坐低之後侍應就送上配菜,款式大約有5-6種,有泡菜、醃蘿蔔、海帶、洋蔥、芽菜等等。之前食韓國菜都未試過有海帶、洋蔥做前菜,而較常見既鹹魚仔、薯仔就欠奉😅
部份前菜:芽菜(左上)味道香辣鮮甜,泡菜(右下)夠辣,但菜味唔夠新鮮
泡菜
海帶
落單後侍應就好快放好燒爐,又係外圈湛滿蛋漿。外圈上有少少泡菜粒,配上蛋漿味道唔錯。提提大家蛋漿可免費追加,侍應會順便換爐,所以大家千祈唔好客氣
爐邊泡菜蛋
牛護心肉:朋友推介,肉色鮮紅,肥瘦均匀,肉質都唔錯,即使燒耐左都唔會韌,反而保留到肉汁。
牛肋骨:牛肋骨一塊肉過,只有一舊骨,上菜前侍應已稍為剪開,所以食得好方便。但肉質比較韌,好難咬開,而肉味就唔錯。
章魚石頭鍋飯:配料充足,醬料微辣惹味。但章魚份量少,雞蛋太熟,而且石鍋唔夠熱,無飯焦,整體而言味道一般。
韓式炒粉絲:粉絲味道比較鹹,上菜時只係微暖,似係一早炒定。
秘製醬汁五花腩:相信五花腩(編號好似係P6 🤔)係繼牛護心肉後最好食既肉類。腩肉肥瘦均勻,加上微辣既醬汁就更加香口,食落一啲都唔覺得肥膩😍
整體而言,肉類質素頗高,比起其他韓式料理出色。餐廳地點方便,但裝修環境、氣氛一般,抽風系統比較差,而且部份座位無椅背,所以可能坐得唔太舒服。
Post