Kim's Bowl (遠東金融中心) (Closed)

胃口欠佳，感覺好悶熱，想食啲冷盤，成日食日本魚生，有點厭，見到喺金鐘廊Kim’s bowl 韓式料理店，新推出有腐皮壽司，就試吓啦☺☺店舖唔算大有幾個位可以企喺度食嘅，我就選擇返公司😛😛combo A係蟹柳沙律、辣味章魚同牛肉，有D清新有D濃味，我最中意就係個章魚，辣得嚟又好過癮😍😍 Combo B腐皮壽司，醬油鹹魚仔、香辣豬肉、粟米沙津共三款。鹹魚仔份量不少，香辣豬肉是韓式泡菜豬肉，配腐皮壽司都幾正，配杯柚子茶，不錯！