반찬앤쿡 Banchan and Cook (屯門市廣場1期)

Open Now

Now Closed

屯門巿中心近年黎開左好多新餐廳，平時淨係係屯市排壽司郎，今次食下其他野先。餐廳裝潢好有文青嘅感覺，而且座位較寬闊，唔會逼狹。🍽泡菜炒五花肉蛋包飯雖然蛋色飯比人嘅感覺好日式，但泡菜炒五花肉絕對係韓式無誤🤣 蛋包飯漲卜卜的，煮得好靚👍🏻上菜嘅時候，店員好細心地係我哋面前介開蛋包飯，飯底有少少甜味，應該放左燒汁or蜂蜜去炒，再撈埋泡菜五花肉，令韓味更加突出。嫩滑嘅蛋、煙韌嘅飯、爽口嘅泡菜再加上厚實嘅五花肉，一啖飯有多重口感😆😋🍽傳統紫菜包飯韓國菜點少得紫菜包飯，飯卷卷左滿滿嘅材料，有青瓜絲、紅蘿蔔絲、牛肉絲、酸蘿蔔同蛋，誠意十足！👍🏻🍽無骨炸雞 (黑炸醬)炸雞比預期中嘅出色🍗，炸得脆口之餘保留到雞嘅嫩滑口感，而且仲有肉汁滲出嚟。黑炸醬有啲似台式肉燥。薯條雖然係配菜，但不亞於炸雞，薯條厚實唔軟，而且薯仔味突出👍🏻🧇雜莓牛角包窩夫近年係韓國大熱嘅甜品，酥脆嘅牛角包窩夫上灑上玉桂粉同糖霜，沾上忌廉一齊食，好味得黎帶點邪惡😆🙈 呢個時候食返幾粒雜莓中和返🙈兩杯嘢飲叫嘅時候，比個名同圖吸引住，完全冇睇過有咩材料🙈 但飲落又幾好味。🍹吸血鬼的梳打餐牌寫住係紅梅汁同梳打，但實物望落應該有加蝶豆花。酸酸甜甜