뽀끼 正宗韓國小食 (Closed)

排隊食肥姐 見到隔離有間韓式小食 一路聞到佢d泡菜年糕既香味 好吸引。見人地又炸雞又年糕 最後我抵擋不到誘惑 食完肥姐再食韓食。泡菜年糕加粉絲卷 年糕夠QQ 個辣汁甜甜辣辣 辣度適中喎 加$10有粉絲卷 紫菜包住粉絲 加上薄薄炸粉炸到外脆內軟 粉絲控真是要試呀。P.S.粉絲卷多到完全淹沒我的年糕😂星星炸雞我見人人都食 我都唔執輸 新鮮熱辣炸起 脆卜卜 雞件大大舊 無骨啖啖肉 岩曬懶人如我。雞肉炸過都仲好滑 真心估佢唔到 雞皮薄薄 唔會太肥 加上香草 芥末 茄汁呢d醬料 好好味喎。部隊拉麵又好吸引 忍不住再叫。睇住佢攞個韓國辣辣拉麵出來即煮 Yo!! 真正韓國貨。好足料 又有餐肉 腸仔 雞蛋 仲有通粉做配料 拉麵火喉控制得唔錯 最怕淋patpat既麵。好鐘意食韓燒壽司卷 可惜2點半先有 下次要食呢個呀！