School Food (Closed)

屯門市中心大部份都係連鎖店，今日就食左呢間四維都有既韓式餐廳。之前都有食過呢間野，但係只係叫左卷物，今次叫左主食試下。紳士先生 $65呢個卷中間係午餐肉，小人本身好鐘意食所以覺得幾好，但普遍黎講就無咩特別。花遊園 $78滑蛋下邊有啲叫做醬菜既野，有啲似榨菜但係有咬口啲，撈均食味道幾好。水冷麵 $72望落個樣醜到....一啲都唔討好，但係佢有個酸酸地既汁加左落去，麵質煙韌水都夠凍，有興趣都可以試下。環境好似無咩特別，職員都友善。但價錢上就唔係好抵食，啲卷物更甚。