韓讚 (Closed)

昨晚約左好朋友來到韓讚吃晚飯，一上到就餐廳擺設吸引住，打卡都打得好開心，放置韓潮許多愛情鎖，環境優美舒適。侍應安排座位靠窗邊，望街景，十分之開揚舒服坐落就嗌左好幾款菜式，有好朋友最愛的餃子湯年糕、海鮮薄餅，牛油果大蝦芒果沙律、一支韓國米洒，首先來是餃子湯年糕，分量大兼十分足料，湯奶白鮮甜，蛋花紫菜作配菜，有牛展陪伴爽口牛味十足，年糕香糯煙韌，餃子皮薄肉鮮甜，整體十分匹配咸度又適中，100分牛油果大蝦沙律也做得不錯，超新鮮大蝦爽口彈牙鮮甜，牛油熟度剛好，芒果香甜海鮮薄餅兩面煎至金黃，淡淡海鮮，煙韌咸香配合秘醬更滋味，韓國米洒几特別味道𣎴錯！