The Joomak (Closed)

新年前，同好姐妹行街買新衫~係LCX行到攰，見到Joomak 裝修唔錯~ 就入去試下~~店內裝飾行工業風~配埋無敵靚景~唔知食物質素係咪都咁Good呢？！點左一個人蔘雞湯~哈哈，小妹第1次食人蔘雞湯~因為一向都好怕人蔘味~但朋友堅持~ 冬天食人蔘對女仔有益~剪開春雞，見到裡面包住滿滿糯米飯~先飲一啖，湯底幾甜~ 而且人蔘唔算好搶~~雞肉出奇地軟滑~ 而且食到尾..都無變鞋~~ 正！！另外，點左一個龍蝦拼盤~~雖然索價500蚊，但份量真係好多~ 應該夠3個女仔分享~原隻龍蝦，肉質彈牙~最亮眼係大蜆~ 鮮甜爆汁~ ~大家小心湯汁燙口~其他蔬菜都唔係平價貨~有羽衣甘藍同冰菜~羽衣甘藍小妹一向有買黎打果汁~知道價錢都幾貴~ 餐廳真落本~~其中有一個配菜第1次食：豆結~類似炸腐皮打左結~個結位會吸哂d湯汁~ 又有少少咬口~ 唔錯呢~~飲品方面，點左一馬格利酒~過往飲的馬格利酒都比較甜~今次Joomak，入口較濃酒香~一大瓶，夠哂2個女仔慢慢飲~