Video
Read full review
2018-03-01
1145 views
有時，同阿媽行街食飯會有好多笑料。例如，呢晚，帶佢去尖沙咀碼頭嗰邊啲大商場逛，之後，去食飯就笑爆。行到呢間餐廳門口，我同阿媽講: “阿媽，不如食Joomak 好唔好?” 佢聽錯咗，以為 “食阿朱媽，好唔好?” 笑到我呢…… 店員話今晚窗口位嗰邊唔開，只安排我哋坐喺長梳化呢邊。唔可以對住個夜晚海景食飯，有點失望。阿媽話，坐呢邊都唔錯呀，好靚喎呢度。阿媽話頭先逛到夠晒皮，好攰，要食人蔘雞補番吓。我就話不如食豪啲，就叫個【龍蝦豐盛拼盤 $498】，同埋【人蔘春雞湯底 $295】，再加支韓啤【海特啤酒 $55】啤啤佢。好快，店員就 set up 個火爐，跟住將大鍋放上去煲。阿媽見到裡面隻雞好開心，又讚個湯底有好多料，人蔘、紅棗、杞子等等。試咗啖湯，話補氣又補血，正! 拼盤正如其名好“豐盛”，用兩個木盒載住。其中一盒載住日本生蠔、羽衣甘藍、肥牛、豬腩片，當然唔少得原隻龍蝦啦。另一盒載住南瓜、豆結、粟米、紫薯、冰菜、泡菜鯪魚滑和泡菜墨魚滑。加埋支海特啤，perfect!我哋個攻略係，首先烚啲粟米、肥牛、紫薯和豬腩片，食住先。阿媽教我，啲食物本身味道係唔濃，用人蔘雞湯烚過味道就會零舍唔同。跟住就食雞
行到呢間餐廳門口，我同阿媽講: “阿媽，不如食Joomak 好唔好?” 佢聽錯咗，以為 “食阿朱媽，好唔好?” 笑到我呢……
店員話今晚窗口位嗰邊唔開，只安排我哋坐喺長梳化呢邊。唔可以對住個夜晚海景食飯，有點失望。阿媽話，坐呢邊都唔錯呀，好靚喎呢度。
阿媽話頭先逛到夠晒皮，好攰，要食人蔘雞補番吓。我就話不如食豪啲，就叫個【龍蝦豐盛拼盤 $498】，同埋【人蔘春雞湯底 $295】，再加支韓啤【海特啤酒 $55】啤啤佢。
好快，店員就 set up 個火爐，跟住將大鍋放上去煲。
阿媽見到裡面隻雞好開心，又讚個湯底有好多料，人蔘、紅棗、杞子等等。試咗啖湯，話補氣又補血，正!
拼盤正如其名好“豐盛”，用兩個木盒載住。
其中一盒載住日本生蠔、羽衣甘藍、肥牛、豬腩片，當然唔少得原隻龍蝦啦。
另一盒載住南瓜、豆結、粟米、紫薯、冰菜、泡菜鯪魚滑和泡菜墨魚滑。
加埋支海特啤，perfect!
我哋個攻略係，首先烚啲粟米、肥牛、紫薯和豬腩片，食住先。阿媽教我，啲食物本身味道係唔濃，用人蔘雞湯烚過味道就會零舍唔同。
跟住就食雞。雞肉離晒骨，好易食，裡面原來釀咗糯米飯。阿媽話，這個係好花功夫，佢平時煮飯整餸絕對唔會造。不過，食落隻雞同啲糯米飯又真係好好味。
之後，我哋放隻龍蝦落去 “沖涼”，好快就將佢烚熟。
阿媽平時咁錫我，剝隻龍蝦鉗教敬吓佢先。阿媽讚隻龍蝦好新鮮，蝦肉好爽口，又彈牙。
跟住阿媽聽到餐廳播隻 “來自星星的你” 主題曲 [my destiny] ……you are my destiny…..佢竟然當眾哼埋一份。真係估佢唔到佢識呢隻歌! 唔單只，連跟住播另一隻 “太陽的後裔” 插曲 [Always] …… I love you….only you……whenever, wherever you are……佢都識!
咪掛住唱歌啦! 食嘢要緊! 如果唔係，一陣趕唔切返去睇 “花都情緣” 唔好賴我!
之後，我哋淥埋其他嘢食，生蠔和各樣素菜。當中，值得一提是冰菜和羽衣甘藍，因為我之前從未食過。
羽衣甘藍做沙律就食過，就咁淥來食是第一次，覺得有少少苦澀味，唔太鍾意。都係加沙律汁做番沙律會好食啲。
冰菜原來淥完之後，外表依現會呈現類似水晶冰珠，食落係好爽脆的，好過癮!
下次屋企打邊爐，阿媽話會買，好嘢!
Post
