Terrace in seaside (SOHO West)

Open Now

Now Closed

Soho West 呢到開左間韓式餐廳，之前已經食過佢其他分店，印象都係幾好食。今次呢間仲要有落地玻璃望住海景食飯，好chill!燒醬油黑毛豬白切紫蘇拌飯見到接近枱枱客都會叫呢個! 醬油黑毛豬完全冇豬羶味，食落好入味，而且好易咬，肉質軟淋，仲有豬皮位，食完骨膠原滿滿既感覺。拌飯有淡淡既紫蘇味，仲有少少辣味，都幾好食。粒粒魚籽與三文魚蛋黃醬飯卷呢款有驚喜，飯卷入面好多料，有蛋，青瓜，醃羅白等等，面頭上既三文魚蛋黃醬比得好多，加埋滿瀉既三文魚籽，口感好豐富。芒芒夏日芒果窩夫呢個甜品都係好高質，窩夫上枱時仲有外脆內軟，芒芒好足料，窩夫之間既夾層都有cream同埋芒果片，所以係啖啖都有芒果味。而且佢個汁唔會整到太甜。飲品叫左芒果沙冰同埋濟州柑橘乳酪，2款都好清新，好冰涼，岩曬夏天飲之餘仲好岩打卡。