Video
Read full review
2023-07-06
12 views
銅鑼灣搵食，登龍街實走唔甩‼️不過，十有八九都係港式粥粉麵飯，有時都幾寡。行過見到間韓式炸雞店，又真係好耐未食過炸雞🍗，諗起都覺得惹味香口夠晒邪惡，心思思想食，之但係同事話怕辣怕熱氣🤦🏻♂️好彩嘅係，呢間舖嘅食物選擇其實都幾多元化：炸雞唔啱食咪Pizza囉，再唔係仲有意粉類，而且叫一客正價午餐就可以半價食pizza，除返開都係$60-70，同食個茶記差唔多，咁不如試吓啲平時少食嘅嘢啦。最後都成功說服到同事，yeah🥳我就衝住韓式炸雞幫襯嘅，「半份蒜香蜜糖炸雞，唔該。」5大嚿，熱辣辣、香噴噴，正宗係皮脆肉嫩！而且食得韓式炸雞，最緊要梗係淋喺表面嘅醬汁啦，香香甜甜，直頭啜埋手指👍🏾連本來咿咿哦哦諸多意見嘅同事都忍唔住偷咗我一嚿去食😏條麻煩友同事就點咗個「松露雜菌扁意粉」。估唔到佢鋪仔細細，落起松露都幾狼死喎，一上枱就聞到好香嘅松露味。俾人食咗隻炸雞，我都唔執輸，拎隻碟食意粉！有半價pizza，$50左右，冇理由唔嗌埋咁蝕底㗎🤓肯肯定食唔晒，咪拎返公司當下午茶又好晚餐又好，或者請其他同事食囉。試吓佢個韓國Crossover意大利嘅「韓風烤肉手工薄餅」。啲餡密密麻麻又幾足料，而且對於鍾意食韓式甜
銅鑼灣搵食，登龍街實走唔甩‼️不過，十有八九都係港式粥粉麵飯，有時都幾寡。
行過見到間韓式炸雞店，又真係好耐未食過炸雞🍗，諗起都覺得惹味香口夠晒邪惡，心思思想食，之但係同事話怕辣怕熱氣🤦🏻♂️
好彩嘅係，呢間舖嘅食物選擇其實都幾多元化：炸雞唔啱食咪Pizza囉，再唔係仲有意粉類，而且叫一客正價午餐就可以半價食pizza，除返開都係$60-70，同食個茶記差唔多，咁不如試吓啲平時少食嘅嘢啦。最後都成功說服到同事，yeah🥳
我就衝住韓式炸雞幫襯嘅，「半份蒜香蜜糖炸雞，唔該。」5大嚿，熱辣辣、香噴噴，正宗係皮脆肉嫩！而且食得韓式炸雞，最緊要梗係淋喺表面嘅醬汁啦，香香甜甜，直頭啜埋手指👍🏾連本來咿咿哦哦諸多意見嘅同事都忍唔住偷咗我一嚿去食😏
2 views
0 likes
0 comments
條麻煩友同事就點咗個「松露雜菌扁意粉」。估唔到佢鋪仔細細，落起松露都幾狼死喎，一上枱就聞到好香嘅松露味。俾人食咗隻炸雞，我都唔執輸，拎隻碟食意粉！
1 views
0 likes
0 comments
有半價pizza，$50左右，冇理由唔嗌埋咁蝕底㗎🤓肯肯定食唔晒，咪拎返公司當下午茶又好晚餐又好，或者請其他同事食囉。試吓佢個韓國Crossover意大利嘅「韓風烤肉手工薄餅」。啲餡密密麻麻又幾足料，而且對於鍾意食韓式甜酸醬嘅人嚟講，呢一款絕對啱口味，如果有埋芝心批就更加屈機。
2 views
0 likes
0 comments
Post
