Video
Read full review
2023-06-22
66 views
同屋企人慶祝生日，屋企人唔想食西餐，揀咗間米芝蓮一星韓式finedining，見網上啲評論都幾好，今次嗌咗佢哋嘅Tasting Menu，因為菜式都比較多，揀幾個印象深刻嘅。Kong Guksu因為大部份都係韓文拼音，好彩啲Staff都有介紹返。涷食嘅豆漿麵，麵條好煙韌，豆香濃郁，同喺韓國食嗰啲比較淡茂茂嘅唔同。Samgye Tang同平時飲開嘅人蔘雞湯唔同，用雞肉包住鴨肉嘅肉卷，肉嫩多汁，仲加咗risotto同蘑菇，飲落去比較fusion，有啲似食緊湯飯，但又飲到人蔘雞湯嘅鮮味。Naengchae with chogochujang個醬汁酸酸地有少少辣，魷魚刺身下面鋪咗黃瓜同梨，非常開胃。Deepfried zucchini flower stuffed with prawn咁多道菜裏面最鍾意就係呢個炸蝦，外層酥脆，蝦肉爽厚。Corn Eung Yi and caviar好好飲嘅魚糕湯，粟米奶油味好濃郁，唔係平時街邊食一塊塊嘅魚糕片，而係打碎左嘅米糕，食落甜甜糯糯，好特别，上面鋪咗魚子醬，令整個湯更鮮甜！感覺上同平時韓國食嘅嘢相似得來又好唔同，如果食厭咗西餐fine dine，可以試
Kong Guksu
因為大部份都係韓文拼音，好彩啲Staff都有介紹返。涷食嘅豆漿麵，麵條好煙韌，豆香濃郁，同喺韓國食嗰啲比較淡茂茂嘅唔同。
Samgye Tang
同平時飲開嘅人蔘雞湯唔同，用雞肉包住鴨肉嘅肉卷，肉嫩多汁，仲加咗risotto同蘑菇，飲落去比較fusion，有啲似食緊湯飯，但又飲到人蔘雞湯嘅鮮味。
Naengchae with chogochujang
個醬汁酸酸地有少少辣，魷魚刺身下面鋪咗黃瓜同梨，非常開胃。
Deepfried zucchini flower stuffed with prawn
咁多道菜裏面最鍾意就係呢個炸蝦，外層酥脆，蝦肉爽厚。
Corn Eung Yi and caviar好好飲嘅魚糕湯，粟米奶油味好濃郁，唔係平時街邊食一塊塊嘅魚糕片，而係打碎左嘅米糕，食落甜甜糯糯，好特别，上面鋪咗魚子醬，令整個湯更鮮甜！
感覺上同平時韓國食嘅嘢相似得來又好唔同，如果食厭咗西餐fine dine，可以試吓哩個，而且影得好靚推介😍。
Post
