Video
Read full review
2016-04-01
294 views
今晚難得可以準時放工，於是一早喺lunch time既時候打黎book枱碰碰運氣，點知好好彩地居然可以攞到最後一個booking，認真幸運！餐廳位於食肆林立既銅鑼灣百樂中心非常易認，基本上一行到 Times Square後面果條街就會搵到，完全無難度！Asahi Beer Bomb ($78)：平時飲野既時候就見得多，喺食肆都有呢個咁特別既drink都真係第一次見。所謂「Bomb」其實即係將一個shot size既韓國燒酒好似炸彈咁放入啤酒到，不過千企唔好睇小呢個看似簡單既飲品，當燒酒溝埋Asahi之後如果一個唔小心真係好容易俾佢KO！Passionate Love ($58)：呢個提子特飲既特別之處就係Mocktail裹面放左一支細細個成日都會見到既阿波羅雪條。當D冰同雪條慢慢溶化既時候，雪條入面既果汁就會同提子汁混埋一齊，非常特別！不過，唯一唔好既地方係D冰既份量好似太多，所以飲到後期當D冰溶到七七八八既時候杯飲品好似稀左少少！首爾風味焗雞 ($158)：整盤炸雞一共有十件，份量尚算合理。雞既火喉剛剛焗到洽到好處，絕對唔會因為焗既時間過長而燶晒，能夠保持雞既juicy口感。重記得以
Asahi Beer Bomb ($78)：平時飲野既時候就見得多，喺食肆都有呢個咁特別既drink都真係第一次見。所謂「Bomb」其實即係將一個shot size既韓國燒酒好似炸彈咁放入啤酒到，不過千企唔好睇小呢個看似簡單既飲品，當燒酒溝埋Asahi之後如果一個唔小心真係好容易俾佢KO！
Asahi Beer Bomb
$78
42 views
0 likes
0 comments
Passionate Love
$58
21 views
0 likes
0 comments
首爾風味焗雞 ($158)：整盤炸雞一共有十件，份量尚算合理。雞既火喉剛剛焗到洽到好處，絕對唔會因為焗既時間過長而燶晒，能夠保持雞既juicy口感。重記得以前食炸雞既時候好多時只係掛住佢既味道同醃料，所以今次專登反樸歸真叫左「original flavour」。可能因為冇左炸粉既關係，雞既size好似細左少少，不過因為「無添加」反而食到雞既味道。唔似其他好似「甜酸雞」、「濃蒜雞」、「芝士雞」等等，今次就算點左伴碟既蒜蓉芝士醬都唔駛擔心味道過濃而「喧賓奪主」，非常適合鍾意清淡口味食物、注重健康既朋友。
首爾風味焗雞
$158
11 views
0 likes
0 comments
魚串湯鍋 ($160)：湯鍋份量十足，小小既鍋裹面放左豚肉、西芹、生菜等等材料。特別值得一提既係主角「魚串」，同平時打邊爐時食到既魚蛋好唔同，魚串表面能夠做到乾身之餘又能夠鎖住裹面既水份，唔會食到「鞋皮」既感覺，最特別既係當D湯滾起既時候魚串上既食材會自己滑落湯裹面，啱晒好似我呢D懶人唔駛逐塊逐塊拆佢地出黎，誠意推介！
總括黎講，呢度既食物水準同埋服務態度都能夠做到above average，好多野都唔需要三催四請，「自動波」咁就會黎到你面前，非常抵讚！呢個咁cosy既環境真係非常適合一大班人用黎飯聚、慶祝生日等等之用！不過，呢度張枱既size好似細左少少，放埋食物之後真係幾乎放唔落其他餐具，如果可以改善埋呢點就更perfect喇！
Post
