梨泰院 (愉景新城) (Closed)

梨泰院呢期興魷魚遊戲，好想食韓國野回味下，喺愉景新城發現咗呢間CP值高嘅韓國餐廳。價錢相當實惠，仲好多款式。先來四小碟前菜，有泡菜、炆薯仔、醃白蘿蔔同芽菜，四款都好開胃。韓式牛肉炒粉絲🐮熱辣辣好香牛肉味，加上椰菜、紅蘿蔔絲、香菇一齊炒，味道濃郁又有鑊氣。大蝦沙律🦐新鮮蔬菜配柚子醬，香香甜甜，感覺清新，大蝦爽甜。芝士紫菜包飯🧀有甜蛋、黃瓜、青瓜、紅蘿蔔絲、入口即溶嘅芝士，仲有好香白芝麻包成。一啲都唔油膩、冇負擔。魷魚天婦羅🦑炸得超香脆，魷魚爽甜，熱辣辣好香口。兩個人食，人均150，性價比高嘅選擇👍🏼