新麻蒲 BBQ (波斯富街) (Closed)

今日雖然落雨，但放工都想去銅鑼灣行下街食下野，見到有好多餐廳嘅選擇，而今日想食韓國嘢，就揀咗呢間餐廳，雖然餐廳多數都係食韓燒，但因為怕熱氣，所以決定食其他韓國食物餐廳嘅座位都算闊落，坐得幾舒服一坐低店員就拎左幾款小食嚟，其中一款係雜菜沙律🥗，配搭好清新，有青椒紅椒生菜蕃茄仔等等仲有幾款小食包括泡菜、海帶、酸蘿蔔同洋蔥，海帶酸酸地好開胃，而泡菜嘅口味係較咸，食完呢幾個小食令到胃口大增女仔一見到又可以美肌又健康，就當然會揀杯果醋飲品啊！我就揀咗杯石榴果醋，酸酸甜甜一定好好飲，好適合夏天賣相幾靚，顏色鮮艷，睇見都覺得解渴，飲落去似蘇打水我哋見餐牌話石鍋牛肉拌飯係推介食品，雖然比較普通，但落雨天想食啲熱嘢材料好豐富，有牛肉、菇菌、蘿蔔、芽菜、雞蛋同其他雜菜，攪勻之後食熱辣辣好滿足，而且有好多蔬菜，感覺好健康，如果有埋飯焦就最好啦因為我朋友喺個芝士控，而且好鍾意食年糕，所以必點芝士炒年糕拉麵上面鋪滿一層厚厚嘅芝士，配料仲有雞蛋、魚片、大蔥等，配上甜甜嘅醬汁，趁熱食係好惹味，而年糕口感好煙un，煮得剛剛好芝士做到拉絲效果㗎！兩個人埋單二百幾蚊，下次有機會會試吓韓燒