Video
Read full review
2021-06-12
171 views
幫朋友搬屋，執拾完後，友人話要請我吃頓晚餐，去咗佢新居附近呢間「炑八韓烤」。餐廳位於彩明商場，店內地方頗大，環境闊落舒服，裝潢以銀白色和淺灰色為主調，柔和的燈光配搭韓國設計風格，韓味十足。先翻閱餐牌，食物選項十分豐富，除咗有好多款唔同組合嘅燒肉套餐，另外亦有韓式定食、部隊鍋、炸雞等可供選擇。我哋點咗個 Thick Cut Beef Rib-eye Set ($498)，個套餐陣容都幾強勁，有厚切帶骨肉眼、醬油五花肉、大墨魚、梨汁雞翼、豬皮同蔥蒜牛五花，應該夠晒兩人享用，所以都無再點其他食物，只係加配咗兩杯梳打。點完餐後，店員隨即為我倆送上沙律、生菜、前菜和醬料，並在爐邊坑位分別注入了泡菜、蛋漿和粟米芝士。幾款前菜味道都唔錯，各有特色，尤其是喺泡菜，辣度輕盈又夠爽脆，好啱我口味。件帶骨肉眼真係超吸引，睇下幾大塊，件頭十足，目測有 1.2-1.5cm 厚，幾乎大過我塊面。雖然咁大塊又厚身，但食落肉質一啲都唔嚡，而且仲滿有肉汁，唔會乾爭爭，柔嫩又有脂香。墨魚面頭𠝹咗花，肉質鮮美爽脆，燒後更有咬口。梨汁雞翼肉嫩香甜、豬皮烤香後唔會好油膩，質感軟軟的，膠質很重，每一口都充滿骨膠原。牛五花肉質堅韌
幫朋友搬屋，執拾完後，友人話要請我吃頓晚餐，去咗佢新居附近呢間「炑八韓烤」。
餐廳位於彩明商場，店內地方頗大，環境闊落舒服，裝潢以銀白色和淺灰色為主調，柔和的燈光配搭韓國設計風格，韓味十足。
先翻閱餐牌，食物選項十分豐富，除咗有好多款唔同組合嘅燒肉套餐，另外亦有韓式定食、部隊鍋、炸雞等可供選擇。
我哋點咗個 Thick Cut Beef Rib-eye Set ($498)，個套餐陣容都幾強勁，有厚切帶骨肉眼、醬油五花肉、大墨魚、梨汁雞翼、豬皮同蔥蒜牛五花，應該夠晒兩人享用，所以都無再點其他食物，只係加配咗兩杯梳打。
點完餐後，店員隨即為我倆送上沙律、生菜、前菜和醬料，並在爐邊坑位分別注入了泡菜、蛋漿和粟米芝士。幾款前菜味道都唔錯，各有特色，尤其是喺泡菜，辣度輕盈又夠爽脆，好啱我口味。
件帶骨肉眼真係超吸引，睇下幾大塊，件頭十足，目測有 1.2-1.5cm 厚，幾乎大過我塊面。雖然咁大塊又厚身，但食落肉質一啲都唔嚡，而且仲滿有肉汁，唔會乾爭爭，柔嫩又有脂香。
墨魚面頭𠝹咗花，肉質鮮美爽脆，燒後更有咬口。梨汁雞翼肉嫩香甜、豬皮烤香後唔會好油膩，質感軟軟的，膠質很重，每一口都充滿骨膠原。
牛五花肉質堅韌又富彈性，夾埋蔥蒜一齊食，好惹味。五花肉肥瘦勻稱、厚度適中，加上以醬油醃過，入味又多汁，用生菜包住嚟食，簡直係絕配。
套餐加配炑八梳打，每杯都只係 $20，非常抵飲，點咗菠蘿梳打同荔枝梳打各一，兩杯飲品都好正，清新怡人，冰涼透頂，飲完真係爽到爆。
Post
