BBQ 7080 (Closed)

最近次次約親朋友食飯都離唔開韓燒。今次試左依間係山林道尾既7080，6點就到所以都即刻有位。三個人叫左個豬拼盤，一個已調味既牛，雞腎，雜菇。同埋我最愛既人蔘雞，依排去親韓國餐廳都必叫，唔知係咪見我地三個人食，連鮑魚都有三隻，超抵食!依個已調味既牛都唔錯，非常入味，店員好細心咁過黎教我地將件肉夾生菜再加泡菜食，果然比剩食肉味道更多層次，不過個肉好似未溶晒雪，夾開時有少少難度，好彩有店員幫手燒haha而豬拼盤同雞腎味道都唔錯，雞腎總好多，燒極都燒唔完咁。燒肉再加韓beer，非常perfect既一晚!