喜來稀肉 (瓊華中心)

Open Now

Now Closed

今日去咗旺角一間韓燒老字號，喜來稀肉食韓燒，新分店面積佔咗一整層，相當闊落，整體用藍金色配搭頗有格調。出面有自助區可以自行夾韓式配菜例如泡菜豆芽菜等，而且仲有生菜包任拎等你一陣燒肉可以夾住黎食☺️韓燒當然唔少得嘅就係窩邊蛋，分別有原味同芝士味2款，有蛋香只要唔燒太耐係相當滑嫩非常好食🥹而肉就叫咗一牛一豬，分別係真雪花牛肉以及韓豚五花肉，各有150g，分量2個人食啱啱好，肉質唔錯，加上少少蒜片以及泡菜製成生菜包一啲都唔會膩☺️最後仲叫咗紫菜蟹籽飯團，可以自己動手搓成波形咁食，整體食物質素唔錯，而且最緊要嘅係坐得舒服，燒耐啲都冇問題👍🏻