Video
Read full review
2023-05-10
2133 views
餐廳總共有3個level嘅韓燒放題，我地揀咗level 2嘅體驗和牛套餐。唔洗比太貴就食到和牛，啱哂啲想食和牛又食唔到好多嘅人！一開始佢就上咗碟和牛拼盤體驗吓先🥩， 分別有美國牛頸脊，A4和牛肉眼蓋，澳洲M9和牛西冷。3款嘅油脂都分布得好均勻🧈，入口即溶而且牛味重，非常出色🤤。喺放題方面，食物選擇種類非常多，除咗燒嘅食物外，仲有刺身炸物沙律等。因為主要想燒嘢食，刺身只點咗3款試吓，三文魚鮮甜肥美🐟，甜蝦都唔錯🦐，仲磋啱心心形狀同花之戀。安格斯牛板腱同一口牛係牛類中最出色👍。牛板腱牛味好重，油脂都分布均勻，燒完肉質嫩口又多汁💦。一口牛望落冇咁多脂肪，但完全唔會韌或者鞋，食落都係肉質嫩滑彈牙多汁。肥牛片半肥瘦，充滿油香味。安格斯肉眼扒大塊到不得了，比臉仲要大，適合Share。呢個和牛套餐仲有得食海蝦🦐同帆立貝，蝦非常新鮮，食落爽口彈牙，而且大大隻，好有咬口。串燒有5款🍢，爆脆墨魚咀喺放題入邊比較少見🐙，食落爽口。炭燒雞串啲雞肉好滑🐥，配埋燒汁好好味。雞皮串燒一路燒一路滴油，燒完幾脆口。黑松露金菇一上枱就已經聞到好大陣黑松露味，如果鍾意食黑松露就啱晒🍄。炸物方面 ，榴槤炸彈同番薯波波🍠都係放
一開始佢就上咗碟和牛拼盤體驗吓先🥩， 分別有美國牛頸脊，A4和牛肉眼蓋，澳洲M9和牛西冷。3款嘅油脂都分布得好均勻🧈，入口即溶而且牛味重，非常出色🤤。
喺放題方面，食物選擇種類非常多，除咗燒嘅食物外，仲有刺身炸物沙律等。因為主要想燒嘢食，刺身只點咗3款試吓，三文魚鮮甜肥美🐟，甜蝦都唔錯🦐，仲磋啱心心形狀同花之戀。
安格斯牛板腱同一口牛係牛類中最出色👍。牛板腱牛味好重，油脂都分布均勻，燒完肉質嫩口又多汁💦。一口牛望落冇咁多脂肪，但完全唔會韌或者鞋，食落都係肉質嫩滑彈牙多汁。肥牛片半肥瘦，充滿油香味。安格斯肉眼扒大塊到不得了，比臉仲要大，適合Share。
呢個和牛套餐仲有得食海蝦🦐同帆立貝，蝦非常新鮮，食落爽口彈牙，而且大大隻，好有咬口。
串燒有5款🍢，爆脆墨魚咀喺放題入邊比較少見🐙，食落爽口。炭燒雞串啲雞肉好滑🐥，配埋燒汁好好味。雞皮串燒一路燒一路滴油，燒完幾脆口。
黑松露金菇一上枱就已經聞到好大陣黑松露味，如果鍾意食黑松露就啱晒🍄。
炸物方面 ，榴槤炸彈同番薯波波🍠都係放題常見食物，應該都係即叫即炸，炸到皮脆內軟。另外仲有日式芝士年糕，感覺佢比一般芝士年糕厚，入面有滿滿濃郁嘅芝士🧀，好邪惡。
水果方面有橙同菠蘿🍊，菠蘿好甜，鍾意食燒菠蘿嘅話，仲可以放落去燒吓，感覺上燒完好似更加甜🍍。
甜品就可以係出面攞雪糕🍨，亦可以叫迷你泡芙，用甜品作結。
Post
