新麻蒲 BBQ (東港城) (Closed)

間唔中都會想食韓式BBQ喺屋企附近就有一間新麻蒲，隔離就係有炸雞，但係好奇怪，我見佢哋嘅職員兩邊走，但係點解我唔可以食緊烤肉嘅時候叫炸雞？🤣鍾意食呢一種韓式烤肉嘅原因好多時都係因為佢嘅配菜係任食，對於一個泡菜愛好者來講呢個係非常之開心嘅事，另外雞蛋都係任加㗎，最鍾意食就係爐邊蛋😂佢哋嘅豬扒同埋護心肉都非常好食，嗰種爽口但係啲肉質係會令人深深咁掛住。自己亦都好鍾意食冇影到嘅牛肋骨，我覺得呢個先係韓式燒烤嘅精髓。